“Реформа” саясий партиясынын лидери Клара Сооронкулова Ички иштер министрлигине суракка чакырылды. Бул тууралуу Сооронкулова өзүнүн социалдык тармактагы баракчасына жазды.
Маалыматка ылайык, Сооронкулова 23-июнда ИИМдин Тергөө кызматына барат. Ал сурак октябрь окуяларына байланыштуу болушу ыктымал экенин билдирди.
«2020-жылдын 5-6-октябрындагы баш аламандыктарды иликтөөнү улантышууда. Бул окуяларга жана анын кесепеттерине акыркы юридикалык баа берилет деп ишенем. 6-октябрда мамлекеттик төңкөрүш болду деп күбө болуп берүүгө даярмын», — деп жазды Сооронкулова.