КОРОНАВИРУС БОЮНЧА АБАЛ
Коронавируска каршы республикалык ыкчам штабдын маалыматына ылайык, 29-сентябрда Кыргызстанда COVID-19 вирусунан бир бейтап каза болуп, 69 адам жуктуруп алганы лабораториялык жактан тастыкталды. Оору жуктургандардын басымдуу бөлүгү Бишкек шаарында.
Бүгүнкү күнү 454 адам ооруканада, 803 бейтап үйдөн дарыланып жатат.
Коронавирус пандемиясы башталган 2020-жылдын март айынан бери Кыргызстанда коронавируска чалдыккандардын расмий саны 178 444 адам болду. Бир күндө 97 адам айыгып чыкты. Инфекция катталган убактан тартып айыккандардын саны — 173 102. Кыргызстанда бул илдеттен каза болгондордун расмий саны 2605 кишиге жетти.
АБДЫГУЛОВ КЫЗМАТТАН КЕТТИ
Жогорку Кеңеш бүгүн, 29-сентябрда Толкунбек Абдыгуловдун Кыргызстандын Улуттук банкынын төрагалыгынан кетүүсүн колдоду. Буга чейин ЖКнын Экономикалык жана фискалдык саясат боюнча комитетине Абдыгулов башка кызматка өткөндүгүнө байланыштуу кызматтан кетүү боюнча арыз түшкөн. Катталган депуттардын ичинен 62 депутат «макул», 4 адам «каршы» деп добуш берди. Абдыгулов мурда айткандай, ал Эл аралык валюталык фонддун Кыргыз Республикасынан кеңешчиси болуп дайындалган. Абдыгулов колдоо үчүн ыраазычылык билдирди.
ЭЛЕКТР ЭНЕРГИЯСЫН ҮНӨМДӨӨ АРАКЕТИ
“Улуттук энергохолдинг” ишканасы жалпы өлкө аймагындагы көчөдөгү көрнөк-жарнактардын, кафе-ресторан, дүкөн жана башка оюн-зоок, соода борборлорунун жарнактык жарыктарын өчүрүү тууралуу буйрук чыгарды. Ишкананын басма кызматынын маалыматы боюнча, мындай чаралар электр энергиясын үнөмдөө максатында көрүлүп жаткан. Маалыматка ылайык, аймактардагы бөлүштүрүүчү компанияларга таңга жуук жана кечкисин кыдырып, электр энергиясын үнөмдөөнү көзөмөлдөө боюнча тапшырма берилди. Электр энергиясын үнөмдөө максатында ашыкча жарыктандырууга жол бербөө тууралуу буйрук “Түндүкэлектро”, «Чыгышэлектро», “Ошэлектро” жана “Жалалабатэлектро” ишканаларына да жиберилди.
ЖАПАРОВДУН КИТЕБИ ИЛИМДЕР АКАДЕМИЯСЫНА БЕРИЛЕТ Президент Садыр Жапаровдун “Жаңы Кыргызстанды куруунун багыты” аттуу китеби 1500 …
ЖЭБДИ КАЛЫБЫНА КЕЛТИРҮҮ Министрлер кабинетинин төрагасы Акылбек Жапаров Бишкек жылуулук электр борборундагы штаттык эмес кырдаалдын …
ЖАПАРОВ ЖЭБГЕ БАРДЫ Президент Садыр Жапаров бүгүн Бишкек шаарындагы Жылуулук электр борборун калыбына келтирүү иштеринин …
ЖЕР ТИЛКЕСИ МАМЛЕКЕТКЕ ӨТТҮ Мурда «Ак-Жол Болсун» ЖЧКсына таандык болгон 0,2275 га чарбалык жер тилкеси …
ӨЛКӨ АЙМАГЫНДА ЖЕР ТИТИРЕДИКытайдын аймагында очогунда күчү 6 магнитудага жеткен жер титирөө катталды.Маалыматка ылайык, Кытайдагы …
МЫЙЗАМСЫЗ САТЫЛГАН КҮЙҮҮЧҮ МАЙ Бишкекте мыйзамсыз сатылып жаткан күйүүчү май алынды. Муниципалитеттен билдиришкендей, рейддин алкагында …
