• Шаршемби 14 Чын куран 2021

Түз эфир: “Бейиш – эненин таманынын алдында” аттуу иш-чара

6 марта 2021 в 14:29 Бишкек Govori.TV

Бүгүн, 6-мартта борбор калаада 8-март аялдардын эл аралык күнүнө карата “Бейиш – эненин таманынын алдында” аттуу иш чара өтүп жатат. Ага өлкөнүн жети дубанынан келген ардагер айымдар, маданият өкүлдөрү, коомдук ишмер айымдар катышууда.

Иш-чаранын уюштуруучусу Дана Абдыбекованын айтымында, маданий саамалык быйыл 4-ирет уюштурулуп жатат.

“Улуттук кийим – ар бир элдин өзгөчөлүгүн билдирген кылымдан кылымга, атадан балага өтө турган, тарыхтын, маданияттын бөлүгү. Ошундуктан бүгүнкү иш-чара этно стилде өтүп жатат. Атайы жети дубандан кайраты күчтүү, коомубуздун  бардык тармактарында үзүрлүү иштеп, пандемия маалында талыкпай эмгектенген дарыгерлер дагы чакырылды”,-деди Абдыбекова.

Айымдарга өнөрпоздор ыр арнашып, көркөм наар тартуулашты. Майрамдык салтанаттын жүрүшүндө  өлкөбүздүн  социалдык-экономикалык өнүгүүсүнө жана шаардын коомдук-саясий турмушуна активдүү катышкан бир нече айымдарга Ардак грамоталар, баалуу белектерин тапшырылды.

Маданий долбоорго 200дөн ашуун энелер катышып, сый дасторкон жайылды. 

Теги:
Количество просмотров: 202