Бишкек шаарында профилактикалык иштерди жүргүзүү үчүн күндүз көчө жарыктары күйгүзүлөт. Бул тууралуу Бишкек шаарынын мэриясынын басма сөз кызматы билдирди.
«Шаардын көчөлөрүндө тышкы жарыктандыруу тармактарын оңдоо жана калыбына келтирүү иштери жүрүп жатат. Ошол себептен күндүз алардын айрымдарында жарык күйгүзүлөт. Электр менен жабдуу тармагы белгилүү бир аймакта чыңалууну камсыздоону же алып салууну камсыз кылбайт. Ошон үчүн бир эле учурда бир нече көчөдө жарык күйүп турат, ал эми муниципалдык ишкананын энергетиктери чырактарды алмаштырып, байланыш түйүндөрүн оңдоп жатышат», — деп айтылат маалыматта.