Бүгүн, 24-мартта Бишкек шаарында акция уюштурулуп, пенсионерлерге азык-түлүктөр бекер таратылып, чогулгандарды укук коргоо органдары таратууда. Бул тууралуу 24.kg агенттиги жазды.
Акция «Айчүрөк» соода борборунун аймагындагы Шопоков көчөсүндө өткөн. Анда пенсиялык күбөлүгүн көрсөткөндөргө бир себет азык-түлүк бекер берилген.
Күбөнүн айтымында, керектүү азыктар үчүн келгендердин саны көп болгондуктан баардыгына жеткен эмес. Ошентсе да чогулгандар тарабай, укук коргоо органдары аларды таркатууга мажбур болушкан.