Бишкек шаардык мэриясынын Санитардык-экологиялык инспекциясы
талаптарды бузган кафе, тойканаларды аныктады. Бул тууралуу мэриянын басма сөз кызматынан билдиришти.
Маалыматка ылайык, жакында Дэн Сяопин көчөсүндө жайгашкан «Нур-Суфра» тойканасынын администрациясы «куран окутуу» иш-чарасын өткөрүп жаткан. Ал жакта санитардык нормалар сакталбай, эл көп чогулган. Дем алыш күндөрү ушундай бузуулар «Улуу-Тоо» чайканасында, «Главпивтрест» кафесинде, компьютердик жана бильярд клубдарында аныкталган.
“СЭИ инспекторлору Бузуулар жөнүндө кодексинин 293-беренеси боюнча протокол түзүп, 2 категориядагы айыппул салды”, — деп айтылат маалыматта.
Бишкек мэриясы ишкерлерлерден санитардык талаптарды сактоону суранат.