Бишкекте жөө жүргүнчү кызды унаа сүзүп кетти. Бул тууралуу 24.kg агенттиги жазды.
Маалыматка ылайык, кырсык бүгүн, 18-ноябрда эртең менен саат 8:00дер чамасында катталган.
«Кыз жолдон өтүп бара жатканда X-Trail үлгүсүндөгү унаанын айдоочусу сүзүп алган. Анын артынан келе жаткан унаанын айдоочусу токтотууга үлгүрбөй, кызды тебелеп кеткен. Жабырлануучу окуя болгон жерде каза болду. Учурда анын өздүгү такталууда», — деп айтылат маалыматта.