Бүгүн, 11-июнда июнда Бишкектеги «Кайнар» ресторанынын алдынан “Kaktus.media” сайтынын кабарчысына карата күч колдонулду. Бул тууралуу аталган басылма жазды.
Маалыматка караганда, аталган ресторанда мындан эки ай мурда каза болгон Өмүрбек Бабановдун эжесине куран окутулуп жаткан. Журналист келген кишилерди жана унааларды тартып жүргөн.
Kaktus.media басылмасынын журналисти Марат Уралиев окуяны түз эфирде чагылдырган. Анын айтымында, ага белгисиз адамдар тойкананын айланасында видео тартууга тыюу салып, мойнунан кыскан. Ал өзүнө кол салган адамды мурунку депутат Өмүрбек Бабановдун жан сакчысы болушу мүмкүн деп билдирди.
Ошол эле учурда жолдон өтүп бара жаткан Патрулдук милиция кызматы окуяга реакция кылган эмес. Кол салуу учурунда кайдыгер карап, жанынан өтүп кеткен милиция кызматкерлерине чара көрүлө турганын ИИМдин пресс-кызматкери Бакыт Сейитов 24.kg сайтына билдирген.
«Октябрь райондук Коопсуздук кызматынын кызматкерлери журналисттин жанынан өтүп кетишкен. ИИМ ич-ара иликтөө жүргүзүп жатат» , — деди Бакыт Сейитов.
Бул арада “Кайнар” ресторанына карантиндин эрежесин бузгандыгы үчүн айыппул салынып, аталган мекеме жабылганы белгилүү болду.
“Алга медиа” каналынын негиздөөчүсү, иликтөөчү журналист Актилек Капаров камакта калды. Мындай чечимди бүгүн, 1-апрелде Бишкек …
Бүгүн, 1-апрелде Бишкек шаардык соту журналист Жоодар Бузумовдун баш коргоо чарасын карап, райондук соттун 2 …
Кишиневдо Молдованын Журналисттик иликтөө борбору (CIJM) жана Көз карандысыз басма сөз ассоциациясы (API) уюштурган иликтөөчү …
Бүгүн, 27-мартта Бишкек шаардык соту иликтөөчү журналист Тыныстан Асыпбековдун баш коргоо чарасын карап, райондук соттун …
Журналисттерди коргоо комитети (CPJ) Кыргызстанда коррупцияга каршы иликтөө жүргүзүп келген сегиз журналисттин камактагы мөөнөтүнүн узартылышына …
Бүгүн, 12-мартта Бишкектин Биринчи май райондук сотунда 11 журналисттин баш коргоо чарасы каралат. Азыркы тапта …
