КОРОНАВИРУС: АКЫРКЫ АБАЛ
COVID-19га каршы күрөшүү боюнча республикалык штаб 18-мартта билдиргендей, бир күндө вирус 98 кишиден жаңы аныкталды. Соңку бир сутка ичинде коронавирустан каза болгондор катталган жок. Өлкөдө оору жугузуп алгандардын расмий эсеби 87 143 кишини түздү. Анын 84 031и айыгып чыкты.
МУФТИЙЛИККЕ ТАЛАПКЕРЛЕР
Кыргызстан мусулмандарынын Аалымдар Кеңешинин Каттоо жана аттестациялоо комиссиясы 17-мартта муфтийликке арыздарды кабыл алып, каттоону аяктады. Аалымдар Кеңешинин катчылыгы билдиргендей, муфтий болуу үчүн сегиз талапкер арыз берди. Алар: Нурбек Токтогулов, Сайдамир Жээналиев, Султанали Гапуров, Убайдулла Сарыбаев, Шүкүр Исмаилов, Шакир Маматов, Нематилла Жээнбеков, Ниязали Арипов.
ӨСПҮРҮМДҮН ӨЛҮМҮНӨ ШЕКТЕЛИП, АГАСЫ КАРМАЛДЫ
«Мурас-Ордо» жаңы конушунда 13 жаштагы өспүрүмдүн өлүмүнө шек саналып, анын агасы кармалды. Биринчи май райондук ички иштер бөлүмүнө 17-мартта түшкү саат 12:40тар чамасында маркумдун энесинен телефон чалуу болгон. Милиция барганда 13 жаштагы өспүрүм моюнунан, ичинен жаракат алып, көз жумганы аныкталган. Ал талма оорусу менен жабыркагандыктан, дайыма жанында жакындары карап турган. 17-мартта 16 жаштагы агасы менен үйдө калган. Милиция барганда ал үйдө жок болуп чыккан. Айылга жакын жердеги талаадагы камыштын арасында жашынып жаткан жеринен табылды. Окуя боюнча Жазык кодексинин 130-беренеси («Киши өлтүрүү») боюнча сотко чейинки иликтөө башталды. Шектүү Бишкек шаардык милициясынын убактылуу кармоочу жайына камалды.
ЖАПАРОВДУН КИТЕБИ ИЛИМДЕР АКАДЕМИЯСЫНА БЕРИЛЕТ Президент Садыр Жапаровдун “Жаңы Кыргызстанды куруунун багыты” аттуу китеби 1500 …
ЖЭБДИ КАЛЫБЫНА КЕЛТИРҮҮ Министрлер кабинетинин төрагасы Акылбек Жапаров Бишкек жылуулук электр борборундагы штаттык эмес кырдаалдын …
ЖАПАРОВ ЖЭБГЕ БАРДЫ Президент Садыр Жапаров бүгүн Бишкек шаарындагы Жылуулук электр борборун калыбына келтирүү иштеринин …
ЖЕР ТИЛКЕСИ МАМЛЕКЕТКЕ ӨТТҮ Мурда «Ак-Жол Болсун» ЖЧКсына таандык болгон 0,2275 га чарбалык жер тилкеси …
ӨЛКӨ АЙМАГЫНДА ЖЕР ТИТИРЕДИКытайдын аймагында очогунда күчү 6 магнитудага жеткен жер титирөө катталды.Маалыматка ылайык, Кытайдагы …
МЫЙЗАМСЫЗ САТЫЛГАН КҮЙҮҮЧҮ МАЙ Бишкекте мыйзамсыз сатылып жаткан күйүүчү май алынды. Муниципалитеттен билдиришкендей, рейддин алкагында …
