Бишкекте Беларустагы митингчилерди колдогон акция өттү. Бул тууралуу жарандык активист Рита Карасартова «Фейсбуктагы» баракчасына жарыялады.
Акцияга он чакты киши катышып, «Зомбулукту токтоткула!», «Беларус, Кыргызстан сени менен» деген сөздөр жазылган плакаттарды көтөрүп алганын көрүүгө болот.
Белгилей кетсек, Беларуста 9-августтагы президенттик шайлоодон бери нааразылык акциялары жүрүп жатат. Алар президент Лукашенкону кызматтан кетүүсүн талап кылып, шайлоо таза өтпөгөнүн айтышууда.