Чүй облусуна караштуу Лебединовка айылындагы Ленин-Калинин көчөлөрүнүн кесилишинде Lexus RX300 жана Honda Accord автоунааларынын катышуусунда жол кырсыгы катталды.
Маалыматка ылайык, кырсык 13-сентябрь күнү болжол менен саат 20:14тө катталган. Анда бир эркек киши каза болуп, беш жүргүнчү жабыркаган.
Жерине келген куткаруучулар маркумдун сөөгүн унаадан чыгарып, жабыркаган жарандарды тез жардам кызматкерлерине өткөрүп беришкен.