Жогорку Кеңештин депутаттары Ирина Карамушкина менен Асель Кодуранова психологиялык-психиатриялык экспертизага чакырылды. Бул тууралуу депутат Ирина Карамушкина фейсбуктагы өздүк баракчасына жазды.
Анын айтымында, тергөөнүн мындай чечими мазактаганга барабар.
Эске салсак, депутаттарга экс-президент Алмазбек Атамбаевдин Кой-Таштагы үйүндө 7-августта аскер кызматкерлерин барымтага алууга катышкан деген айып тагылууда.