4 күндөн бери дайынсыз болуп жаткан Кайрат Жумабек уулу табылды. Бул тууралуу ИИМдин басма сөз кызматынан билдиришти.
Маалыматка ылайык, 8-сентябрда ИИМдин Криминалдык милиция кызматынын издөө бөлүмүнүн кызматкерлери тарабынан жүргүзүлгөн ыкчам-иликтөө иш-чараларынын жүрүшүндө Жумабек уулу Кайраттын Бишкек шаарында жүргөндүгү аныкталып, жакындарына аман-эсен тапшырылган.
Эске салсак, Ысык-Көл районунун Сары-Ой айылынын 30 жаштагы тургуну Кайрат Жумабек уулу 4-сентябрь күнү саат 20:00дөр чамасында үйүнөн “Тойота Камри” үлгүсүндөгү күмүш түстөгү автоунаасын айдап чыгып кеткен бойдон дайынсыз болуп жаткан.