Орусияда эки жыл бою өзүнүн 15 жаштагы кызына карата сексуалдык мүнөздөгү аракеттерди жасаган кыргызстандык жаран кармалды. Бул тууралуу 22-августта орус басылмалары укук коргоо органдарына шилтеме берип жазды.
Маалыматка караганда, 21-августта Киров районундагы мектептердин биринин директорунун орун басары милицияга кайрылган. Анын айтымында, 1981-жылы туулган, Россиянын түндүк борборунда убактылуу катталган Кыргызстандын жараны эки жыл бою өзүнүн 15 жаштагы кызына карата сексуалдык мүнөздөгү аракеттерди жасап жүргөн.
Аталган жаран Санкт-Петербург полициясы тарабынан кармалган. Тергөө иштери жүрүп жатат.