Бүгүн, 17-сентябрда экс-президент Алмазбек Атамбаевдин туулган күнүндө үй-бүлөсү менен жолугушууга уруксат берилген жок. Бул тууралуу Govori.TVга жактоочу Замир Жоошев билдирди.
«Жакындары жолугушуу үчүн арыз менен кайрылган эмес. Ошол жүйө менен Алмазбек Шаршеновичке үй-бүлө мүчөлөрү менен жолугушууга уруксат берилген жок. Жубайы Раиса Атамбаева туулган күнүнө китептерди жана атайын майрамдык түшкү тамакты биз аркылуу берип жиберди», — деп билдирди Жоошев..
Белгилей кетсек, бүгүн мурунку президент Алмазбек Атамбаев 64 жашка толду. Атамбаевди өздүк майрамы менен куттуктап, УКМКнын имаратынын алдына үй-бүлөсү жана тарапташтары барышкан.