Кыргызстанда шайлоо күнү кандай өттү?

Бүгүн 28-ноябрда Жогорку Кеңештин жетинчи чакырылышынын депутаттарын шайлоо күнү жыйынтыкталды.

Бул жолку парламенттик шайлоого келгендердин саны аз болуп жатканы кабарланууда. БШКнын акыркы берген маалыматына таянсак, 18:00гө карата шайлоочулардын 28,36 пайызы добуш беришкен. 

«Эки эсе аз». Шайлоо сайын саны азайган шайлоочулар…

Өлкөдө уюштурулган шайлоо тилкелери эртең менен саат 8:00дөн тартып кечки саат 20:00гө чейин иш алып барышты. Кыргызстандын аймагында жана чет жерлерге жалысынан 2494 шайлоо тилкеси уюштурулду.

Кыргызстанда алгачкы жолу аралаш система менен парламенттик шайлоо өтүүдө…

Алгачкылардан болуп шайлоого добуш берүү үчүн президент Садыр Жапапров жубайы менен келди. Мамлекет башчысы Бишкек шаарындагы № 1053 шайлоо тилкесинде добуш берди. Ал добуш бергенден кийинки кыска кайрылуусунда элди активдүү добуш берүүгө чакырды.

Жапаров өз кайрылуусунда элди активдүү добуш берүүгө чакырды

Добуш берген соң Садыр Жапаров жумушчу сапары менен Түркмөнстандын Ашхабад шаарына учуп кетти. Сапардын алкагында Садыр Жапаров Экономикалык кызматташтык уюмунун (ЭКУ) 15-саммитине катышат.

Жапаровду Түркмөнстанга кимдер коштоп кетти? (Тизме)

Ал арада Министрлер кабинетинин төрагасы Акылбек Жапаров №1142 шайлоо участогунда добуш берип, мекендештерге кайрылып, аларды өз жарандык милдетин аткарууга чакырды. Жапаров өлкө тарыхында алгач ирет Президенттин Администрациясы жана Министрлер Кабинети шайлоо процессине кийлигишкен жок деп айтууга боло турганын кошумчалады.

Министрлер кабинетинин төрагасы парламенттик шайлоодо добуш берди

Жогорку Кеңештин депутаттыгына талапкер Адахан Мадумаров шайлоого келди. Өз тандоосун жасаган соң Мадумаров журналисттердин суроолоруна жооп берди. Анда ал «бул жолку парламенттик шайлоодо да административдик ресурс колдонулат» деген пикирин айтты.

Мадумаров добуш берди

«Бүгүнкү бийликтин эң негизги кемчилиги бул-алар менен макул болбогондорду мамлекет башчысы өзү баш болуп, УКМКсы төш болуп, кээ бир учурда аты-жөнүн атап коркутканы», — деген пикирин айткан саясатчы, «Ата-Мекен» партиясынын лидери Өмүрбек Текебаев шайлоо тилкесине жубайы жана уулу менен келди.

Добуш берүүгө келген Текебаев бийликтин негизги кемчиликтерин айтты

Ал арада Бишкек шаарындагы жана башка шайлоо тилкесинде бюллетень сала турган урналар иштебей калганы тууралуу маалыматтар байма бай чыгып жатты. Электрондук урна иштебей калгандыктан, шайлоочулардын кезеги жаралды.

Бишкектеги №1114 шайлоо тилкесинде дагы электрондук үкөк иштебей калды

Бишкектеги шайлоо тилкесинде жабдыктар бузулуп калып, жарандардын кезеги жаралды

Бишкектеги №1041 шайлоо тилкесинде электрондук урна иштебей калды

Сурамжылоо: Жаңы эреже менен өткөн шайлоодо кандай кыйынчылыктар жаралып жатат?

Депутаттыкка талапкер Дастан Бекешев соцтармактагы баракчасына билдирүү жазып, Бишкектеги шайлоо тилкесинде беткабына мөөр басылган шайлоочулар добуш берип жатканы тууралуу кабарлады.

ИИМ шайлоочунун беткабындагы белги боюнча эмне дейт?

Жарандык милдетин аткаруу үчүн бакыт үйүнөн түз эле шайлоо тилкесине жаш жубайлар көпчүлүктүн көңүлүн бурду.

Күндүн сүрөтү: Үйлөнүү тоюнда шайлоого келген жубайлар

Бул жолку шайлоого мамлекет башчы Садыр Жапаров баштаган саясатчылар жарандык милдетин жигердүү аткарып, добуш берүүгө жубайларын жетелей келишти.

Ажо баш болуп… Добуш берүүгө жубайын жетелей келген саясатчылар (сүрөт)

Ал арада Орусиянын үч шаарында шайлоо аяктап, алдын ала жыйынтыктар чыгарылды.

Түштүк-Сахалинде добуш берүү аяктап, «Бүтүн Кыргызстан» партиясы алдыга чыкты (сүрөт)

Хабаровск шаарында шайлоо жыйынтыкталып, «Ата Мекен» алдыда…

Владивостокто добуш берүү жыйынтыкталды… Кайсы партиялар алдыда?

Жогорку Кеңештин депутаттарын шайлоонун жүрүшүнө көз салган “Жалпы иш” коомдук фонду 33 бузуу боюнча билдирүү келип түшкөнүн кабарлады.

«Жалпы иш» фонду шайлоо учурунда 33 мыйзам бузуу каттаган